早前版主到访过0既西班牙烤鸡 (黑沙环分店),原来佢隔离0既楼上舖,都係佢地开设0既西班牙餐厅,而主打0既係西班牙小食Tapas同埋酒类~~ 从来无谂过会有一家咁不错0既异国餐厅係黑沙环区出现!意大利, 西班牙, 葡国菜等..一向係澳门0既价位唔算係低水平~~但呢家餐厅,绝对会颠覆固有想法~~ 老闆刻意选址係租金比较平0既黑沙环区,所以就算食材由欧洲当地入口,价钱都可以大众化!拾级而上，已经可以感受到气氛～餐厅装潢简单得黎又有异国特色,2个人0黎又得, 一大班人黎gathering亦得~~     水吧位置就放左2只西班牙火腿~~版主劲钟意~~(流口水中~~)        呢张最长0既枱,其实係有特别设计,专for试酒用的~~中间那个打开係一个桶..可以将试完d酒倒落去~~~  店长话…呢度庆祝生日,同自己带酒係唔会收service charge同开瓶费,所以几乎晚晚都full booking架!! Menu分Wine 同食物～Hot regular Coffee今次呢杯咖啡比上次的水準好好多~奶是热的,咖啡味很浓~D小姐讚不绝口~~ 38个月伊比利牙黑毛猪火腿拼盘 (MOP$138)特色蕃茄酱麵包配蒜蓉、橄榄油和蕃茄 (MOP$28) 黑毛猪火腿都係版主至爱~~呢度0既火腿切得好薄!透哂光!~单食都唔会觉得咸,而且唔会好重油林林的感觉~口感係带点爽口弹牙~好好味!!! 呢个麵包烘到外脆,入面软弹,面头0既蕃茄係用新鲜蕃茄蘑上去, 再加埋蒜蓉同橄榄油~劲香~~配埋ham食都好match! 厨师Special Salad (MOP$118)呢个沙律係menu无的,原因係作为亮点0既蕃茄係由法国入口~所以食唔食到, 真係要睇缘份~~ 来自法国0既有机蕃茄,唔似中国的....不会有腥味….配上菠菜同松子,面头0既係主厨自家腌0既三文鱼,因为配方入面有苹果同橙,仲有d gin酒,所以唔会腥之余, 口感清爽, 肉质仲带点弹性~配上又fresh又清甜0既蕃茄,好好味! Sangría西班牙水果酒(白酒) (MOP$50/杯)西班牙水果酒(红酒) (MOP$50/杯) 呢度0既Sangría 係由调酒师自己调配的,同平时饮开0既唔一样~~因为果肉切得劲细粒,所以饮落果味同甜味都好突出!0岩哂女仔饮~~个人喜欢白酒多过红酒~^^   西班牙曼彻格芝士，小银鱼，焦糖洋葱伴多士 (MOP$128)樽仔入面0既係羊奶芝士,而紫色一粒粒0既係用quince做0既jelly~~有d甜甜地同少少酸~好开胃~小银鱼係自家腌製,唔怕咸同腥~~个人最喜欢0既食法係用多士做底,上面放银鱼同埋quince jelly..感觉酸酸地好夹~~同埋会带到鱼0既鲜食出来~~但D小姐就劲喜欢个cheese~黎到呢个moment…D小姐就酒兴大发~~(佢係酒鬼…XD)店长兼侍酒师就推介左呢支白酒~ 係用左三种提子mix埋的(其中两种就係甜提子同埋乾提子)口感都唔错至少唔太好白酒0既我,都觉得顺口..hahahaha~  经典西班牙炸丸子奶油配火腿和鸡肉 (MOP48)呢个小吃记得楼下间西班牙烤鸡也有,问左店长有咩唔同,佢话呢个入面加左D 西班牙火腿~~!!!WOW!!!唔怪得除左浓浓芝士味外,仲食到有D火腿0既咸香~正!!! 煎蛋配薯仔和西班牙肠 (MOP$48)店长话,好多客人0黎呢度,指定要食呢个菜!午餐可以食, 晚餐可以食..面头0既薯丝炸得超脆~~唔怕油~~中间係一只半熟荷包蛋~~底下0既係西班牙肠~~食法係先整穿只蛋,之后将所有野mix埋~~   包住蛋汁0既薯仔同埋已切成粒粒0既西牙肠,好惹味!! 真係唔讲得笑!!!!!!!!!!!!!!!!!!!!!!!!所以我地食完之后话..早餐都可以食!!XD 西班牙海鲜饭 (MOP$358)Barcelona 0既海鲜饭比楼下0既西班牙烤鸡饭,材料丰富好多,所以价钱都会稍为贵dd~~不过以份量同埋材料来讲,我地觉得非常合理!!  因为个汤汁比较浓0既关係,所以唧少少柠檬汁,带少少酸, 可以食多d..XDDD  面头0既海鲜有红虾, 海虾仲有小龙虾,全部都好新鲜弹牙~~D小姐又发挥地表最强食力,1个人食左2/3~~饭粒煮到索够汁之余, 仲粒粒分明~~入面有鸡肉, 蘑菇同鱿鱼~鱿鱼唔会太 “un”  甜品:西班牙心太软配云呢拿雪糕 (MOP$60) 同一般心太软唔同,佢地做法係拎个朱古力浆雪冻左,再上粉拎去炸~~外皮够脆~一定要趁热连埋雪糕一齐吃~食闷左传统焗心太软，可以试试呢个～^^食后感:餐厅环境唔错~~0岩哂夜晚同朋友倾下计…饮下酒, 吹下水~~一大班人搞生日都唔错~~~(因为免收蛋糕charge同埋开瓶费)营业时间到夜晚2点~~食物质素可以妣美五星酒店,但价钱亲民~~唔怪得成为好多熟客0既饭堂~~我同D小姐已经约好左叫埋其他朋友再去过~^^ 

---

餐厅资料:名称：BarCelona Tapas & Rice Spanish Gastro Bar地址：澳门慕拉士街16号,富大工业大厦地下B座(消防局前面条巷)电话: 2872 1084时间：12：00～02：00Facebook:Page: